Sobre min

De poder escoller, tampouco volvería a cometer certos erros, nin a pasar polo sufrimento da ansiedade, nin a vivir períodos de crise, como a crise económica do 2008, ou a crise sanitaria que vivimos no 2020. Porque todas foron etapas moi complicadas, que quixeron minguar unha parte de min, e que en certo modo o fixeron, pero que ademais e sobretodo, resultaron ser unha fonte de oportunidades e aprendizaxes, a moi diferentes niveis. A elas débolles a día de hoxe Sevilla, Irlanda,Galicia, pero tamén os nosos “momentos Pontedeva” ou proxectos como Cousas da Terra e Fogar Natural, así como todas as persoas e a revolución vital que estas trouxeron consigo.

Pero sobre todo, co imprescindible apoio do meu compañeiro de vida, algunhas destas crises supuxeron o impulso e o tempo que necesitaba para por fin empezar a vivir en coherencia conmigo mesma e emprender importantes cambios de dirección.  Exemplo: estudar aquilo que sempre me apaixonou (nunca é tarde!), e que me permite hoxe como psicóloga, acompañarte na busca dos cambios que necesitas para saberte e sentirte cada vez máis feliz, a pesar de circunstancias e decisións que non volverías a vivir, nin a tomar. Ou si? Empezamos?