Sobre min

 

Ola! Son Carmen Quílez, psicóloga en Santiago de Compostela

E dados os covid-tempos que corren, psicóloga on line, e un día á semana, psicóloga en Ourense, na marabillosa aldea de Pontedeva.

Sobre min, algo que destacaría, é ser unha persoa felizmente afectada por circunstancias e decisións, que de poder escoller, non volvería a vivir, nin a tomar.

Non volvería a estudar Dereito e Administración e Dirección de Empresas, estudos que non ían nada conmigo, pero que non obstante, téñenme dado persoas, coñecementos e proxectos, que quizais me farían cambiar de opinión.

Carmen Quilez Psicologa en Santiago de Compostela

De poder escoller, tampouco volvería a cometer certos erros, nin a pasar polo sufrimento da ansiedade, nin a vivir períodos de crise, como a crise económica do 2008, ou a actual crise sanitaria que estamos a vivir este 2020. Porque todas foron e son etapas moi complicadas, que quixeron minguar unha parte de min, e que en certo modo o fixeron, pero que ademais e sobretodo, resultaron ser unha fonte de oportunidades e aprendizaxes, a moi diferentes niveis. A elas débolles a día de hoxe os nosos “momentos Pontedeva”, pero tamén Irlanda, Galicia ou proxectos como Cousas da Terra e Fogar Natural, así como todas as persoas e a revolución vital que estas implican.

Pero sobre todo, co imprescindible apoio do meu compañeiro de vida, algunhas destas crises supuxeron o impulso e o tempo que necesitaba para por fin empezar a vivir en coherencia conmigo mesma e estudar aquilo que sempre me apaixonou (nunca é tarde!), e que me permite hoxe como psicóloga, acompañarte na busca dos cambios que necesitas para saberte e sentirte cada vez máis feliz, a pesar de circunstancias e decisións que non volverías a vivir, nin a tomar. Ou si? Empezamos?

SABER MAIS sobre Carmen Quílez, psicóloga

Universidade Pablo Olavide (Sevilla)

  • Licenciatura en Dereito, especialidade en Dereito da Empresa.
  • Licenciatura en Dirección e Administración de Empresas.

Universidade Santiago de Compostela (USC)

Universidade Nacional de Educación a Distancia

  • Grado en Psicoloxía, especialidade en Psicoloxía da saúde

Federación Española de Asociacions de Terapia Familiar            

180º Unidade de psicoloxía (R/Camiño dos vilares, 94 , Santiago)

Loft Psicólogos Espazo Clínico ( R/ Hedras, 6 , Milladoiro)

Centro de Terapia Familiar Sistema ( S. Andrés, 35 , A Coruña)

Unidade de terapia Venres Clínico (facultade de psicoloxía, USC)

 

 

×